Filmen nedanfor viser korleis vi byter bremsevæske. Hugs å stenge lufteskrua medan bremsepedalen er inne, før vi demonterer lufteslangen ol.
Det finst fleire måtar å gjere det på:
Vi kan gjere det slik det er vist på filmen.
Eller vi kan bruke ein vakuumsugar som vi koplar til lufteskrua. Den sug væska igjennom systemet når lufteskrua blir opna. Vi kan også tilføre trykk til bremsevæskebehaldaren og opne lufteskrua. Då blir bremsevæska pressa ut. Hugs å ha ei lufteflaske for å unngå søl pga. trykket som pressar væska gjennom. Det er den vanlegaste metoden i bilverkstadene.
Den siste metoden er å bruke diagnosetestar og lufteflaske. Det må vi gjere når vi byter ABS-ventilhus eller dersom bilen er tom for bremsevæske.