| Caster er hjulopphenget sin vinkel i høve til loddlinja. |
Castervinkelen er fjørbeinet eller kingbolten si helling fram- eller bakover med øvre del og er der i hovudsak for sjølvoppretting. Sjå illustrasjon side 62 i læreboka. Konstruksjonen gjer m.a. at bilen blir løfta ved svingutslag, og pga. fysiske lover hjelper det å rette opp hjula etter ein sving. I tillegg vil ein positiv castervinkel gjere at vinkellinja treffer bakken framfor hjulet og hjulet vil bli «hengande» etter dette punktet på bakken. Då får vi hjul som på ein kontorstol, som «diltar» etter når vi skubbar stolen. Saman med at bilen blir løfta hjelper dette på sjølvopprettinga.
Årsaka til at castervinkelen er utanfor toleranse kan være at tårnlageret eller støytdempartoppen er utsliten. Det kan vere skade på bærearmen eller fjørbeinet, eller stor slakk i kuler. Men det skal vi ha reparert før hjulstilling er utført.