4 Motor og motorsystem

Kvifor treng vi svinghjul?

Svinghjul. Foto: Karl A. Wikse.

Motoren bruker fire taktar for å gjennomføre e forbrenning på alle sylindrane. Taktane er fordelte utover alle sylindrane, slik at hvis sylinder 1 har starta på innsug, har sylinder 4 arbeid, 3 har kompresjon og 2 har eksos. At taktane er fordelte over alle sylindrane gir ein meir balansert motor, men det er dessverre ikkje nok.

Bensindampen er eksplosiv. Ei forbrenning i sylinder 1 skapar ei voldsom kraft på veivakselen i starten. Krafta avtar gradvis til 0, då tenner sylinder 3. Dette skapar ein ubalanse i motoren som må jamnast ut. Det er her mellom anna svinghjulet kjem inn. Svinghjulet er tungt, og ein masse som er sett i rørsle er vanskeleg å bremse opp. Det utnyttar vi til å jamne ut ubalansen i motoren. 

I tillegg blir tannkransen ytst for startmotoren brukt, «tannkrans» nummer to ytst er til for svinghjulsensoren som registrerer turtalet i motoren. Og sist, men ikkje minst, blir flata vi ser mot oss på bietet brukt til å feste clutchen til.

Vi ser på biletet at svinghjulet er delt i to for at vi skal sjå inni det. Det er ikke alle svinghjul som er bygde opp slik. Svært mange bilar, særleg eldre bilar, har eit massivt svinghjul. Nyare bilar har svinghjul med fjører for ta opp noko av ubalansen i motoren.